પનીર હાંડી -

પનીર હાંડી -

સામગ્રી:-

10-12 ટુકડા પનીર
1 કપ ટમેટા જીણા સમારેલા
2 લીલા મરચા
આદુ નાનો ટુકડો
7-8 કળી લસણ
1 તમાલપત્ર
4-5 દાણા મરી
2 ટૂકડા તજના
3 લીલી ઈલાયચી
4 લવિંગ
1 ટેબલસ્પૂન લાલ મરચાનો પાવડર
મીઠું સ્વાદ અનુસાર
1 ટેબલસ્પૂન સૂકી મેથી
1/2 કપ તાજી મલાઈ

રીત:-

-ટમેટાને ધોઈને, કાપીને પછી પીસીને પેસ્ટ બનાવી લો. લીલા મરચાંને ધોઈને, દાંડલી કાપીને સમારી લો.
-આદુને ધોઈને છાલ ઉતારીને છીણી લો. લસણની છાલ ઉતારીને વાટી લો.
-આદુ અને લસણને ભેળવીને પેસ્ટ બનાવી લો.
-પેનમાં તેલ ગરમ કરો, તેમાં તમાલપત્ર, મરી, તજ, લવિંગ અને ઈલાયચી ઉમેરો.
-આદુ અને લસણની પેસ્ટ અને લીલા મરચા નાંખીને હલાવો.
-ટમેટાની પેસ્ટ, લાલ મરચાનો પાવડર, મીઠું અને 1/2 કપ પાણી ઉમેરો 5 મિનીટ તેને સીજવા દો
-મેથી અને પનીરના ટુકડા ઉમેરીને વધુ 10 મિનીટ સુધી પકાવો.
-પનીર પર તાજી મલાઈ ઉમેરીને 2 મિનીટ સુધી પાકવા દો.
-ચપાટી સાથે ગરમ ગરમ સર્વ કરો

"ઈડલી પોંડલી" :

"ઈડલી પોંડલી" :
=======================================

સામગ્રી-

-1/2 કપ અડદની દાળ
-1/4 કપ ચણાની દાળ
-20 નંગ સૂકાં લાલ મરચાં
-1/4 ટીસ્પૂન હિંગ
-1 ટીસ્પૂન તલ
-1 ટેબલસ્પૂન નાળિયેરની છીણ
-2 ટીસ્પૂન તેલ
-મીઠું સ્વાદાનુસાર

રીત-

સૌપ્રથમ એક કડાઈમાં એકાદ ચમચી જેટલું તેલ ગરમ કરો. તેલ ગરમ થાય એટલે તેમાં બધી જ સામગ્રી ઉમેરીને રોસ્ટ કરો. બધી જ સામગ્રી લાઈટ બ્રાઉન રંગની થાય અને તેમાંથી એક સરસ સુગંધ આવે ત્યાં સુધી તેને રોસ્ટ કરો. ત્યાર બાદ ગેસ બંધ કરીને આ મિશ્રણને ઠંડુ થવા દો. હવે તેને મિક્ષરમાં ગ્રાઈન્ડ કરીને પાવડર બનાવી લો. તૈયાર છે સ્વાદિષ્ટ મસાલો. આ મસાલાને ઈડલી, ઢોંસા કે વડા પર ભભરાવીને ખાવાની ખુબ જ મજા પડે છે. અથવા તો તમે મસાલામાં થોડુંક તેલ ઉમેરીને તેને સાઈડ ડિશ તરીકે પણ સર્વ કરી શકો છો.

Join us રસોઈની રાણી

ઓનિયન રવા ઢોંસા-

ઓનિયન રવા ઢોંસા-

સામગ્રી-

-1/2 કપ રવો
-1/2 કપ ચોખાનો લોટ
-1/4 કપ મેંદો
-1 ટેબલસ્પૂન આદુંની પેસ્ટ
-1 નંગ લીલું મરચું સમારેલું
-2 ટીસ્પૂન કાળા મરી
-1 ટીસ્પૂન જીરૂં
-1 નંગ ડુંગળી સમારેલી
-1 ટેબલસ્પૂન કોથમીર સમારેલી
-1 ડાળખી મીઠો લીમડો
-1/4 ટીસ્પૂન ખાંડ
-મીઠું સ્વાદાનુસાર
-તેલ જરૂર મુજબ

રીત-

સૌપ્રથમ એક મોટા બાઉલમાં ડુંગળી સિવાયની બધી જ સામગ્રી લઈને બરાબર મિક્ષ કરી લો. ત્યાર બાદ તેમાં જરૂર પૂરતું પાણી ઉમેરીને ઢોંસા ઉતરે, એ પ્રકારનું ઘટ્ટ ખીરૂં તૈયાર કરો. આ મિશ્રણને થોડીવાર માટે ઢાંકીને મૂકી રાખો. ત્યાર બાદ ઢોંસા માટે નોન સ્ટિક પેન તૈયાર કરો. પેન ગરમ થાય એટલે તેમાં એક ચમચા જેટલું ખીરૂં પાથરો. ત્યારે જ તૈયારીમાં જ તેમાં ઝીણી સમારેલી ડુંગળી પાથરો. ઢોંસાની ફરતે તેલ રેડો. લાઈટ બ્રાઉન રંગનો થાય એટલે ગરમા-ગરમ ઢોંસાને સાઈડ ડિશ સાથે સર્વ કરો.

Join us રસોઈની રાણી

Alka Gohel Babariya

Like

સ્વાદિષ્ટ મેદુંવડા-કોબી વડા

કોબી વડા-

સામગ્રી-

-1/2 કપ અડદની દાળ
-1 કપ ઝીણી સમારેલી કોબી
-2 નંગ લીલા મરચાં
-1 ટેબલસ્પૂન આદુંની પેસ્ટ
-2 ટેબલસ્પૂન કોથમીર સમારેલી
-1 ડાળખી મીઠો લીમડો
-1 ચપટી હિંગ
-મીઠું સ્વાદાનુસાર

રીત-

સૌપ્રથમ અડદની દાળને ધોઈને સાફ કરીને બેથી ત્રણ કલાક માટે પલાળી દો. ત્યાર બાદ તેને નીતારીને તેમાં બે ચમચી જેટલું પાણી ઉમેરીને અધકચરી પેસ્ટ તૈયાર કરો. અડદની દાળને વધારે સમય માટે ગ્રાઈન્ડ કરવી નહી. જેટલી વખત તમે મિક્ષર ઓપન કરો એટલી વખત એકાદ ચમચી જેટલું પાણી ઉમેરો. સ્મૂધ પણ ઘટ્ટ ખીરૂં તૈયાર કરો. હવે તેમાં બાકીની સામગ્રી ઉમેરીને બરાબર મિક્ષ કરી લો. હવે આ મિશ્રણને સેટ થવા માટે એકબાજુ મૂકો. આ દરમિયાન એક કડાઈમાં તેલ ગરમ કરવા માટે મૂકો. તેલ ગરમ થાય એટલે તૈયાર કરેલા ખીરામાંથી નાના-નાના બોલ બનાવો. તેને હથેળીની મદદથી ચપટા કરીને, તેમાં આંગળીની મદદથી કાળું પાડીને ગરમ તેલમાં તળો. ધીમા તાપે વડાને લાઈટ બ્રાઉન રંગના થાય એ રીતે તળો. સ્વાદિષ્ટ વડાને ગરમા-ગરમ ચટણી સાથે સર્વ કરો.

Alka Gohel Babariya

Like

દૂધીના દાળવડા-

દૂધીના દાળવડા-

સામગ્રી-

-500 ગ્રામ દૂધી
-2 ટેબલસ્પૂન સોયાબીન
-4 ટેબલસ્પૂન તુવેર દાળ
-4 ટેબલસ્પૂન ચણાની દાળ
-1 ટેબલસ્પૂન કૉર્નફ્લોર
-1 ટેબલસ્પૂન તેલ
-1 ચપટી હિંગ
-1 ટીસ્પૂન લસણ બારીક સમારેલું
-1 ટીસ્પૂન આદું બારીક સમારેલું
-1 ટીસ્પૂન ઝીણાં સમારેલાં લીલાં મરચાં
-1 ટેબલસ્પૂન બારીક સમારેલી કોથમીર
-1 ટેબલસ્પૂન બારીક સમારેલો ફુદીનો
-1 ટીસ્પૂન ગરમ મસાલો
-1 ટીસ્પૂન ચાટ મસાલો
-મીઠું સ્વાદાનુસાર
-બ્રેડ ક્રમ્સ જરૂર મુજબ

સર્વિંગ માટે-
-ખાટી-મીઠી ચટણી
-કોથમીર-ફુદીનાની ચટણી

રીત-

સૌપ્રથમ સોયાબીનને દસથી પંદર મિનિટ પાણીમાં પલાળી રાખો. દૂધીને છાલ છોલી, છીણી લો. તરત જ એક પહોળી નૉનસ્ટિક કડાઈમાં તેલ ગરમ કરો. તેલ ગરમ થાય એટલે એમાં આદું-લસણ-મરચાંની પેસ્ટ ઉમેરી સાંતળો. ત્યાર બાદ દૂધી અને સોયાબીનને નિચોવી વધારાનું પાણી કાઢી એમાં ઉમેરી દો. હવે ગરમ મસાલો, બાફેલી દાળ, પલાળેલાં સોયાબીન, ચાટ મસાલો, કોથમીર, ફુદીનો બધું ઉમેરો. વ્યવસ્થિત મિક્સ થાય ત્યાં સુધી રાંધો. હવે મિશ્રણને ઠંડું પડવા દો. એમાં બ્રેડક્રમ્સ અને થોડો કૉર્નફ્લોર ભેળવો અને ચપટા ગોળા બનાવો. જરૂર હોય એ પ્રમાણે કૉર્નફ્લોરમાં રગદોળી તળી લો. વધારાનું તેલ નિતારી ખાટી-મીઠી તેમજ ફુદીના-કોથમીરની ચટણી સાથે ગરમ-ગરમ સર્વ કરો.

Alka Gohel Babar

હરાભરા લચ્છા પરાઠા-

હરાભરા લચ્છા પરાઠા-

સામગ્રી-

-1 કપ મેંદો
-1 કપ ઘઉંનો લોટ
-2 ટેબલસ્પૂન ઘીનું મોણ
-2 ટેબલસ્પૂન તેલનું મોણ
-1 ટેબલસ્પૂન ઝીણી સમારેલી પાલકની ભાજી
-1 ટેબલસ્પૂન ઝીણી સમારેલી કોથમીર
-2 ટેબલસ્પૂન દહીં
-1 ચપટી સોડા
-મીઠું સ્વાદાનુસાર
-ઘી વચ્ચે લગાડવા
-ચોખાનો લોટ ભભરાવવા માટે
-બટર પરાઠા પર લગાવવા માટે

ગાર્નિશિંગ માટે-
-ખમણેલું ચીઝ

રીત-

સૌપ્રથમ ઘઉંનો લોટ અને મેંદો ભેગો કરી લો. એમાં મીઠું, તેલ, ઘી, કોથમીર, પાલક, દહીં અને સોડા નાખી બરાબર મિક્સ કરી પાણીની મદદથી પરાઠાનો લોટ બાંધો. બાંધેલા લોટને થોડી વાર માટે ઢાંકી દો. થોડી વાર પછી લોટને થોડો કેળવી એના લૂઆ પાડો અને એક લૂઆમાંથી છ ઇંચનો પરાઠા વણો. હવે એના પર ઘી ચોપડી ચોખાનો લોટ ભભરાવો. એને એક સાઇડથી વાળતા જાઓ અને રોલ કરતા જાઓ. રોલ વળી જાય એટલે રોટલીના એ રોલને વ્હીલ આકારમાં વાળી લો. એના પર ફરી ઘી ચોપડી ચોખાનો લોટ ભભરાવી ફરી પરાઠા વણો. તવી ગરમ કરી આછા બદામી રંગનો બન્ને તરફથી સરખો શેકી લો. એના પર બટર લગાવી ચીઝનું ગાર્નિશિંગ કરી ગરમાગરમ સર્વ કરો.

Alka Gohel Babariya

Like

રવા ઈડલી

રવિવારે સાંજે મોટા ભાગની લેડીઝને ઘરે રસોઈ કરવાનું મન નથી હોતું પરંતુ જો રવિવારે બહાર હોટલમાં જમવા જવુ હોય તો બહુ જ વેઈટીંગમાં બેસવુપડે છે. પરિણામે સન્ડે ઈવનીંગ જો તમારે વહેલા ફ્રી થવુ હોય અને ઘરે બનાવેલી જ કોઈ મસ્ત વાનગી માણવી હોય તો ઝડપથી બની શકે તેની બનાવો રવા ઈડલી...

સામગ્રી

રવો - ૨૫૦ ગ્રામ
દહીં - ૨૫૦ ગ્રામ
પોણો ચમચી - ખાવા નો સોડા
સ્વાદ મુજબ મીઠું
અને ખીરું બનાવવા માટે હુફાડું પાણી

વઘાર માટે 

તેલ - ૪ ચમચી
રાઈ - ૧ ચમચી
અડદ ની દાળ - ૩ ચમચી
૨ લીલા મરચા ઝીણી સમારેલા
૬-૮ મીઠા લીમડા ના પાન
પોણી ચમચી હિંગ

રીત

રવા ની અંદર દહીં અને જોઈતું હુફાડું પાણી ઉમેરી લચકા પડતું ખુરી તૈયાર કરવું તેમાં સ્વાદ મુજબ મીઠું નાખી અડધો કલાક ઢાકી રાખો જેથી રવો ફૂલી ને પોચો થયી જાય. તેલ ગરમ કરી રાઈ, હિંગ અને અડદ ની દાળ અને લીલા મરચા નાખી તેનો વઘાર કરવો , વઘાર ને રવાના ખીરામાં નાખી સોડા નાખી હલાવવું, ઈડલી સ્ટેન્ડ માં તેલ લગાડી દરેક બીબા માં ૧ ચમચો ખીરું નાખો. ૮-૧૦ મિનીટ સુધી ઈડલી ને વરાળ માં બફાવા દો પછી બહાર કાઢી ઠંડી પડે એટલે ચપ્પુ ની ધાર થી ઈડલી ઉખાડી નારીયેલ ની ચટણી સાથે ગરમ ગરમ પીરશો.