કોલીફ્લાવર મન્યુરિયન-

કોલીફ્લાવર મન્યુરિયન-

સામગ્રી-

-1 મધ્યમ કદનું ફ્લાવર
-2 નંગ મોટી ડુંગળી
-4 દડા લસણ
-1/2 ઈંચનો આદુંનો ટુકડો
-3 નંગ લીલા મરચાં
-1/2 નંગ કેપ્સિકમ
-2 ટેબલસ્પૂન કોર્નફ્લોર
-1 ટેબલસ્પૂન મેંદો
-1/2 ટીસ્પૂન લાલ મરચું પાવડર
-1/2 ટીસ્પૂન સોયા સોસ
-1 ટીસ્પૂન ટોમેટો સોસ
-1/2 ટીસ્પૂન મરી પાવડર
-તેલ તળવા માટે

રીત-

ફ્લાવરને મોટા કટકામાં કટ કરી લો. ત્યાર બાદ તેને ગરમ પાણીમાં નાખો. તેને બે મિનિટ માટે સાઈડમાં મૂકો. હવે તેને પાણીમાંથી નીતારીને કિચન ટાવલ પર મૂકો. હવે એક મોટા મિક્ષિંગ બાઉલમાં એક ચમચી કોર્નફ્લોર, મેંદો, લાલ મરચું પાવડર અને મીઠું ઉમેરીને બરાબર મિક્ષ કરી લો. તેમાં જરૂર પૂરતું પાણી ઉમેરીને ઘટ્ટ ખીરૂં તૈયાર કરો. હવે એક પેનમાં તેલ ગરમ કરો. ગરમ તેલમાં ફ્લાવરના ટુકડાને તૈયાર કરેલા ખીરામાં ડુબાડીને ડિપ ફ્રાય કરો. ધીમા તાપે લાઈટ બ્રાઉન રંગના થાય એ રીતે તળો. ધીમા તાપે તળવાથી ક્રિસ્પી થશે. હવે તેને કિચન ટાવલ પર કાઢીને મૂકો.

વધારાનું તેલ ચૂસાય જાય એટલે તેને એકબાજુ પર મૂકો. હવે ડુંગળી, લસણ, આદું અને લીલા મરચાંને ઝીણા સમારી લો. કેપ્સિકમના પણ કટકા કરી લો. હવે એક પેનમાં બે ચમચી તેલ ગરમ કરો. તેલ ગરમ થાય એટલે તેમાં સમારેલી ડુંગળી, લીલા મરચાં અને આદું એક પછી એક ઉમેરીને સાંતળો. થોડીક મિનિટ માટે સાંતળો. ગોલ્ડન બ્રાઉન રંગના થાય ત્યાં સુધી સાંતળો.

હવે તેમાં કેપ્સિકમના ટુકડા ઉમેરીને એકાદ મિનિટ માટે સાંતળો. ત્યાર બાદ તેમાં ટોમેટો સોસ, સોયા સોસ અને મરી પાવડર ઉમેરીને બરાબર મિક્ષ કરી લો. થોડીવાર બાદ તેમાં થોડુંક મીઠું ઉમેરીને ફરીથી બરાબર મિક્ષ કરી લો. એ વાત યાદ રાખવી કે ફ્લાવરમાં અને સોસમાં પણ મીઠું પહેલાથી છે જ. હવે તેમાં તળેલા ફ્લાવર ઉમેરીને બરાબર મિક્ષ કરી લો. ફ્લાવર પર મસાલો બરાબર ચઢી જાય એ રીતે મિક્ષ કરો. જો તમે આ મન્યુરીયનને ડ્રાય મન્ચુરિયન તરીકે સર્વ કરવા માંગતા હોવ તો આ સ્ટેજ પર જ સર્વિંગ બાઉલમાં કાઢીને સર્વ કરો. અને જો ગ્રેવી મન્યુરીયન સર્વ કરવું હોય તો કોર્નફ્લોરને અડધા કપ પાણીમાં ઓગાળીને પેનમાં ઉમેરો. 2 થી 3 મિનિટ ચઢવા દીધા બાદ ગેસ બંધ કરી દો. ગરમા-ગરમ મન્યુરીયનને લીલી ડુંગળીથી ગાર્નિશ કરીને સર્વ કરો.

Alka Gohel Babariya

નવરત્ન કોરમા -

નવરત્ન કોરમા -
==========================

2 ગાજર,
1 ડુંગળી
100 ગ્રામ બટાકા,
100 ગ્રામ ફ્લાવર
100 ગ્રામ લીલા વટાણા
3 ટેબલસ્પૂન ઘી,
1 કપ મોળું દહીં
5 કાજુ, 5 કટકા અખરોટ
10 લાલ દ્રાક્ષ
1/2 કપ તાજી મલાઈ
100 ગ્રામ લીલી દ્રાક્ષ, 1 સફરજન
મીઠું – પ્રમાણસર

વાટવાનો મસાલો – 3 ટેબલસ્પૂન નાળિયેરનું ખમણ, 1/2 ટેબલસ્પૂન સૂકા ધાણા, 1/2 ટીસ્પૂન હળદર, 1/2 ટીસ્પૂન જીરું, 4 કળી લસણ, 2 ડુંગળી, 2 લાલ મરચાં, 2 લીલાં મરચાં, કટકોઆદું, 3 લવિંગ, 2 કટકા તજ, 7 દાણા મરી, 122 ઝૂડી લીલા ધાણા, બધું વાટી લેવું

રીત

એક તપેલીમાં ઘી મૂકી, ગરમ થાય એટલે છીણી સમારેલી ડુંગળી અને વાટેલો મસાલો સાંતળવો. મસાલો સંતળાઈ જાય અને ઘી ઉપર અાવે એટલે દહીં નાંખવું. ગ્રેવી ઉકળે એટલે બાફેલાં શાક, કાજુના કટકા, દ્રાક્ષ અને અખરોટના કટકા નાંખવા. ગ્રેવી ઉકળે એટલે તાપ ધીમો કરી મલાઈ અને લીલી દ્રાક્ષ નાંખી, 2 મીનીટ ઉકાળી નીચે ઉતારી લેવું. પીરસતી વખતે તની અંદર સફરજનનો છોલી, બારીક કટકા કરી, હલાવી ઉપયોગ કરવો.

Alka Gohel Babariya

Like

પનીર મંચુરિયન

સામગ્રી :
પનીર - ૨૦૦ ગ્રામ
ઝીણાં પતીકાં કરેલ કેપ્સિકમ - ૧ નંગ
કાળાં મરીનો પાઉડર - અડધી ટી સ્પૂન
લીલી ડુંગળી (સ્પ્રિંગ ઓનિયન) કાપેલી - અડધો કપ
ઝીણું કાપેલું લીલું મરચું-૧ નંગ

[વધુ]

ઝીણું કાપેલું આદું - અડધો ઈંચ
ઝીણું કાપેલું લસણ - ૫-૬ કળી
કાપેલી સેલેરી - ૧ ટી સ્પૂન
સોયા સોસ - ૨ ટી સ્પૂન
ખાંડ - ૧ ટી સ્પૂન
ટોમેટો સોસ - ૧ થી દોઢ ટેબલ સ્પૂન
વ્હાઈટ વિનેગાર - ૧ ટી સ્પૂન
મીઠું અને મરી - જરૂરિયાત મુજબ
પનીર તળવા તેલ - ૪ થી ૫ ટેબલસ્પૂન
થોડી લીલી ડુંગળી - સજાવટ માટે
કોર્ન ફ્લોર પેસ્ટ માટે
કોર્ન ફ્લોર - ૨ ટેબલ સ્પૂન
પાણી - અડધો કપ
પનીર મેરીનેટ
કોર્ન ફ્લોર - ૨ ટેબલ સ્પૂન
પીસેલાં આદુ અને લસણ - અડધી ટી સ્પૂન
મીઠું અને મરી - જરૂરિયાત મુજબ
રીત:
પનીર મેરીનેટ માટેની બધી સામગ્રી મિક્સ કરો. પનીર મેરીનેટ પનીરમાં ઉમેરો. બધું મિશ્રણ પાત્રમાં ઉછાળીને એકરસ કરો જેથી મેરીનેટ પનીરને એકસરખી રીતે લાગે. ગરમ તેલમાં પનીરના ટુકડા શેલો અથવા ડીપ ફ્રાય કરી લો. પેપર નેપકીનમાં તેને નીતારીને બાજુમાં મુકો. કઢાઈમાં વધારાનું તેલ કાઢી લો. તેલ ગરમ થાય એટલે એમાં ડુંગળી નાંખો. સહેજ દાઝે તેટલાં સુધી મધ્યમથી તેજ આંચે શેકતા જાઓ. કોર્ન ફ્લોર પાણીમાં નાંખી પેસ્ટ બનાવો. ડુંગળી ટ્રાન્સલ્યુસન્ટ થવા દો.
એમાં આદુ, લસણ, લીલું મરચું અને સેલેરી નાંખો. એક મિનિટ એને હલાવો, હવે એમાં કેપ્સિકમ નાંખો. એને પણ ૨-૩ મિનિટ સાંતળો. હવે બધા સોસ અને પાણી ઉમેરો. હલાવો અને ખદખદવા દો. એમાં કોર્નફ્લોર પેસ્ટ ઉમેરો અને સોસ ઘટ્ટ થવા દો. હવે એમાં પનીરના તળેલા ટુકડા ઉમેરો, વિનેગાર, મીઠું અને મરી પણ નાંખો, હલાવો અને ૧ મિનિટ માટે ખદખદવા દો.
પનીર મંચુરિયનને સ્પ્રિંગ ઓનિયનથી ગાર્નિશ કરો અને વેજ ફ્રાઈડ રાઈસ અથવા એશિયન વેજ રાઈસ કે પછી વેજ નૂડલ્સ સાથે ગરમાગરમ પીરસો.

શક્કર પારા

 શક્કર પારા બનાવવાની રીત

સામગ્રી:
1 1/2 કપ મેંદો
1/4 કપ ખાંડ
1/4 કપ દૂધ
2 ટેબલસ્પૂન ઘી
1 ચપટી મીઠું
 તળવા માટે તેલ

રીત:
- મેંદાના લોટમાં મીઠું ઉમેરીને ચાળી લો.
- એક પેનમાં ખાંડ, દૂધ અને ઘી મિક્સ કરીને ઉકાળો. ખાંડ ઓગળી જાય પછી મિશ્રણને ઠંડુ થવા દો.
- તેમાં થોડો થોડો કરીને મેંદાનો લોટ મિક્સ કરો અને તેનો કઠણ કણક બાંધો.
- હવે તેમાંથી ગોળ મોટા રોટલા વણો અને તેને ચાકુની મદદથી નાના ટુકડામાં ચેકા પાડીને અલગ કરી લો.
- બની શકે તો યોગ્ય માપના ડાયમંડ શેપના ટુકડા જ કરો.
- તેને ઘી અથવા તેલમાં લાઈટ બ્રાઉન રંગના થાય ત્યા સુધી મધ્યમ આંચ પર તળો.

વેજિટેબલ પેટિસ-

વેજિટેબલ પેટિસ-

સામગ્રી-

-2 નંગ બટાટા બાફીને મેશ કરેલા
-1 નંગ ગાજરની છીણ
-1 કપ વટાણા બાફીને મેશ કરેલા
-1/2 કપ બિન્સ સમારેલી
-11/2 ટીસ્પૂન આદું-મરચાંની પેસ્ટ
-1 ટીસ્પૂન ધાણા પાવડર
-1/4 ટીસ્પૂન ગરમ મસાલો
-11/2 ટીસ્પૂન શેકેલા સિંગદાણાનો ભૂકો
-11/2 ટેબલસ્પૂન કોથમીર સમારેલી
-3 થી 4 ટેબલસ્પૂન શેકેલા તલ
-મીઠું સ્વાદાનુસાર
-તેલ જરૂર મુજબ

રીત-

સૌપ્રથમ બાફેલા બટાટા, લીલા વટાણા, ગાજરની છીણ, બિન્સ, બ્રેડ ક્રમ્બ્સ, આદું-મરચાંની પેસ્ટ, ધાણા પાવડર, ગરમ મસાલો, સિંગદાણાનો ભૂકો, મીઠું અને કોથમીર એક મોટા મિક્ષિંગ બાઉલમાં લઈને બરાબર મિક્ષ કરી લો. હવે તેમાંથી મોટા લીંબુ સાઈઝના ગોળા બનાવી લો. ત્યાર બાદ એક ફ્લેટ નોન સ્ટિક તવા પર તેને પેટિસ આકારના કરીને શેલો ફ્રાય શેકી લો. આ પેટિસ પર તમે શેકેલા તલ છાંટીને તેને બંને બાજુથી શેકો. પેટિસને શેલો ફ્રાય જ કરવી. તેને ધીમા તાપે બંને બાજુથી ગોલ્ડન બ્રાઉન રંગની થાય ત્યાં સુધી શેકો. ત્યાર બાદ તેને ગરમા-ગરમ જ ગ્રીન ચટણી અને ટોમેટો સોસ સાથે સર્વ કરો. બાળકોને આ ક્રિસ્પી પેટિસ ખાવાની મજા પણ પડશે, અને તેમાં મિક્ષ વેજ ઉપયોગમાં લીધા હોવાથી તેમના સ્વાસ્થ્ય માટે પણ તે ખુબ જ સારી છે.

સૌજન્ય : રસોઈ

Alka Gohel Babariya

Like

"સેન્ડવીચ ઢોકળા"

"સેન્ડવીચ ઢોકળા"

સામગ્રી :-

3 કપ ચોખા
1/2 કપ ચણાની દાળ
1/2 કપ અડદ ની દાળ
1 ચમચી ઈનો
1 ચમચી લાલ મરચું
1 ચમચી સેકેલા જીરા નો ભૂકો
1 ચમચી મરી નો ભૂકો
મીઠું સ્વાદ અનુસાર

વઘાર માટે સામગ્રી :-

2 ચમચા તેલ
1 ચમચી તલ
1 ચમચી હિંગ
4/5 લીમડા ના પાન
3/4 સુકા લાલ આખા મરચા
1 ચમચી ટોપરા નો ભૂકો
1 લીલું મરચું જીનું સમારેલું
લસણ ની ચટણી
કોથમરી ની ચટણી
કોથમરી જીણી સમારેલી

રીત :-

ચોખા, ચણાનીદાળ, અડદ ની દાળ ને 4/5 કલાક પલાળી લ્યો. પછી તેને મિક્ષ્ચર માં પીસી લ્યો. 4/5 કલાક હવે તેને ઢાકી ને રાખી દયો .હવે તે બોળા ની અંદર સ્વાદ પ્રમાણે મીઠું અને ઈનો નાખી ને મિક્ષ કરો. થાળી માં તેલ થોડું લગાડી ને પાતળું ઢોકળા નું લેયર પાથરો, ને તેને વરાળ થી બાફો. 5 મિનીટ પછી તે લેયર ઉપર કોથમરી ની ચટણી, અને લસણ ની ચટણી પાથરો.

પાછુ તેની ઉપર ઢોકળા નો બોળો પાથરી ને બીજું લેયર પાથરો .તેની ઉપર મરચા નો ભૂકો, જીરા નો ભૂકો, મરી નો ભૂકો છાટો. 10 મિનીટ ચડવા દયો.
હવે ઢોકળા ને કાપી ને એક પ્લેટ માં સરસ રીતે ગોઠવી દયો .કડાઈ મેં તેલ મુકો. તેલ ગરમ થી જાય તેમાં રાઈ ને તલ મુકો. તે તતડવા લાગે તેમાં લીમડા ના પાન, સુકા લાલ મરચા ,લીલા મરચા, હિંગ નાખી ને વઘાર ને ઢોકળા ઉપર રેડો. સુકું કોપરું અને કોથમરી છાટો અને કોથમરી ની ચટણી સાથે ગરમ ગરમ સર્વ કરો.

તવા પનીર મસાલા" :

તવા પનીર મસાલા" :
========================

સામગ્રી :-
=======

10/12 પનીર ક્યુબ્સ
2સીમલા મરચા
200 ગ્રામ ટમેટા
30 ગ્રામ લાલ મરચા ની પેસ્ટ
3 ચમચા તેલ
50 ગ્રામ બટર
કોથમરી જીણી સમારેલી
1 ચમચી આદુ છીણેલું

ગ્રેવી બનાવા માટે ની સામગ્રી :-
==================

300 ગ્રામ કાંદા
400 ગ્રામ ટમેટા
1 ચમચી આદુ,લસણ ની પેસ્ટ
1 ચમચી હળદર
2 ચમચી લાલ મરચા નો પાવડર
2 ચમચી ગરમ મસાલો
2 ચમચી ધાણાજીરું
1ચમચી કસુરી મેથી
1 ક્પ દૂધ
કોથમરી સજાવટ માટે
મીઠું સ્વાદ પ્રમાણે

તવા પનીર મસાલા ની ગ્રેવી બનવા માટે ની રીત :-
============================

ટમેટા અને કાંદાને જીણા સમારીને મીક્ષીમાં તેને પીસી લ્યો .અને સરસ પેસ્ટ બનાવી લ્યો. હવે તવા માં તેલ મૂકી આદુ લસણ ની પેસ્ટ નાખો. તેને 1 મિનીટ સાતડો .તેમાં કાંદા, ટમેટા ની પ્યુરી નાખો .હવે તેમાં હળદર ,મરચું,ગરમ મસાલો નાખો. 1ચમચી કસુરી મેથી,1 કપ દૂધ નાખો .અને 5 મિનીટ ગ્રેવી ને ઉકાળવા દયો. સ્વાદ પ્રમાણે મીઠું નાખો .

તવા પનીર બનાવા માટે ની રીત :-
=====================

સૌ પહેલા તવા ઉપર બટર નાખો. તેમાં સીમલા મરચા ને ટમેટા ના પીસ નાખો. તેમાં લાલ મરચા ની પેસ્ટ નાખો. 2/3 મિનીટ તેને હલાવો .તેમાંતેયાર થયેલી થોડી ગ્રેવી નાખો .કોથમરી જીણી સમારેલી અને આદુ છીણી ને નાખો .તેમાં ગરમ મસાલો નાખો. અને 2/3 મિનીટ ચડવા દયો. હવે તેને બાજુ પર રાખી દયો.

એક કડાઈ માં તેલ નાખો ,પનીર ના પીસ અને મીઠું નાખો .2/3 મિનીટ તેને ચડવા દયો .ટમેટા અને સીમલા મરચા નો મસાલો તેયાર કર્યો છે એ તેમાં નાખો .હવે તેમાં તેયાર કરેલી ગ્રેવી નાખી ને બધું સાથે મિક્ષ કરો .કોથમરી થી સજાવો .અને ગરમ ગરમ તવાપનીર મસાલા ને નાન ,રોટી ,પરાઠા સાથે ખાવાનો આનંદ માણો.