વેજીટેબલ લસાને

http://navgujaratsamay.indiatimes.com/articleshow/37569837.cms

ગૂડ ફૂડ - હેમાલી શાહ, દિપાલી વ્યાસ

સામગ્રી
તૈયાર લસાને શીટ્સ - ૬
વ્હાઈટ સોસ - ૧.૫ કપ
ટોમેટો સોસ - પોણો કપ

[વધુ]

મીક્સ વેજીટેબલ્સ (ગાજર, ફણસી, વટાણાં)
(બાફેલાં અને ઝીણા સમારેલાં) - ૨ કપ
ખમણેલું ચીઝ - ૧ કપ
બટર - ૪ ટેબલ સ્પુન
ફ્રેશ બેસિલ લીવ્સ (મુઠ્ઠીભર)

રીત:
વ્હાઈટ સોસમાં વેજીટેબલ્સ મીક્સ કરી બાજુ ઉપર મુકવા. ચોરસ બેકિંગ ડીશ લઈ તળિયે ગ્રીસ કરવું. વ્હાઈટ શીટ મુકવી. તેની ઉપર વ્હાઈટ સોસ વેજીટેબલ્સ સાથે પાથરવા. તેની ઉપર ટોમેટો સોસ પાથરી થોડું ચીઝ મુકી ભભરાવવું. આ રીતે એક પછી એક શીટ મુકી છેલ્લે ચીઝ ઉપર આવે તે રીતે તૈયાર કરી ૨૫ મિનિટ ૨૦૦ સેન્ટીગ્રેડ ઉપર બેક કરો. ઉપર નાનાં ચોપ કરેલા બેસીલ લીવ્સ પાથરી ગરમાગરમ પીરસો.

ચટાકેદાર 'તડકા દાલ'

http://www.sandesh.com/article.aspx?newsid=2982724

3 વ્યક્તિઓ માટે 'તડકા દાલ' બનાવવાની રીત

સામગ્રી:

1 કપ તુવેર દાળ
1 સમારેલી ડુંગળી
1 સમારેલું લીલું મરચું
1 સમારેલું ટમેટું
1 ટીસ્પૂન રાય-ધાણા-જીરુ
1/2 ટીસ્પૂન હળદર
1 ટીસ્પૂન લાલ મરચાંનો પાવડર
1 ટીસ્પૂન આમચૂર પાવડર
1/2 ઈંચ આદુનો ટુકડો છીણેલો
2 ટેબલસ્પૂન તેલ
2 ટેબલસ્પૂન લીલા ધાણા
સ્વાદ અનુસાર મીઠું

રીત:

- દાળને ધોઈને 2 કપ પાણી સાથે પ્રેશર કુકરમાં બાફી લો. બાફેલી દાળને પીસી લો.
- એક કઢાઈમાં 2 ટેબલસ્પૂન ઘી ગરમ કરો.
- રાય-ધાણા-જીરુ ઉમેરો.
- રાયના દાણા ફૂટવા લાગે એટલે તેમાં ડુંગળી, ટમેટું અને છીણેલું આદુ ઉમેરો.
- ત્યારબાદ તેમાં આમચૂર પાવડર અને લાલ મરચાંનો પાવડર ઉમેરીને એક મિનીટ સુધી પકાવો.
- હવે બાફીને પીસેલી દાળને તેમાં ઉમેરો અને મિશ્રણને ઉકળવા દો.
- 5-10 મિનીટ સુધી ઉકળવા દો.
- દાળને સર્વિંગ બાઉલમાં કાઢો અને લીલા ધાણા સાથે ગાર્નિશ કરીને સર્વ કરો.

'મોદક'

http://sandesh.com/article.aspx?newsid=2980844

અમદાવાદ, 30 ઓગસ્ટ

ગણેશ ચતુર્થી હોય અને મોદકનો પ્રસાદ ના હોય તો તે ગણેશ ચતુર્થી અધૂરી અધૂરી લાગે છે. બાપ્પાને લાડવાનો પ્રસાદ ખૂબ પસંદ હોય છે. મહારાષ્ટ્રમાં અને મરાઠી લોકો ગણેશ ચતુર્થીનું પર્વ ધામ ધૂમથી ઉજવે છે પરંતુ હવે તો ગુજરાતીઓ પણ તેમાં પાછાં પડે તેમ નતી. બાપ્પાને પ્રસાદમાં વિવિધ પ્રકારના લાડવા ધરાવવામાં આવે છે. આ લાડુમાં લાકડશી લાડુ, બુંદીના લાડુ, ખાંડના લાડુ, ઘઉંના કકરા લોટના લાડુ, ચણાના લોટના લાડુ અને ખાસ ચોખામાંથી બનાવવામાં આવેલા મોદકનો પણ સમાવેશ થાય છે. તો આવો આજે જાણીએ કે મહારાષ્ટ્રીયની ખાસ મીઠાઈ મોદક કેવી રીતે બનાવવામાં આવે છે.

સામગ્રી : 

૨ કપ ચોખા,
૩ ટેબલસ્પૂન ઘી,
નંગ-૧ નાળિયેર,
૨ કપ ખાંડ અથવા ગોળ,
૧/૪ કપ ખસખસ,
૧ ટી.સ્પૂન એલચીનો ભૂકો.

પદ્ધતિ: ચોખાને ધોઈ, સૂકવી, દળાવવા. બારીક ચાળણીથી લોટ ગાળી લેવો. એક તપેલીમાં ઘી મૂકી, ગરમ થાય એટલે નાળિયેરનું ખમણ,ખાંડ અથવા ગોળ, ખસખસ અને એલચીનો ભૂકો નાખી, લોચો થાય એટલે ઉતારી લેવું. જેટલા કપ લોટ હોય તેટલા કપ પાણી લઈ ઉકાળવું. તેમાં ચપટી મીઠું અને બે ચમચા ઘી નાખવું. ઊકળે એટલે તપેલી નીચે ઉતારી, તેમાં લોટ નાખવો. બરાબર હલાવી, ધીમા તાપ ઉપર સીઝવા મૂકવો. એક બાફ આવે એટલે ઉતારી, ઠંડો પડે એટલે મસળવો. પછી તેમાંથી લુઓ લઈ, હાથથી વાડકી આકાર કરી, તેમાં સારણ (પૂરણ) ભરી, પુરીનો છેડો થોડે થોડે અંતરે દાબીને મોં બંધ કરવું એટલે મોદકનો આકાર થશે. પછી બધા મોદક વરાળથી બાફી, ઘી લગાવી દેવું અને શ્રી ગણપતિજીને પ્રસાદ ધરવો.

પકોડા કઢી

પકોડા કઢી

» સામગ્રી:

• ચણાનો લોટ : 200 ગ્રામ
• થોડુ ખટાશ વાળુ દહીં : 400 ગ્રામ
• તેલ : 1 ટેબલ સ્પૂન
• જીરૂં : 1/2 ટી સ્પૂન
• લાલ મરચું પાવડર : 1/4 ટી સ્પૂન
• મેંથીના દાણા : 1/2 ટી સ્પૂન
• લીલા મરચાં : 2 થી 3 નંગ
• તેલ : જરૂર મુજબ
• મીઠું : સ્વાદાનુસાર
• કોથમીર

» રીત:

1) સૌથી પહેલા કઢી બનાવવા માટે એક વાસણમાં ચણાનો લોટ લઈ તેમાં પાણી ઉમેરીને જાડૂ ખીરૂ તૈયાર કરો. લોટની કણી ન રહી જાય ઍટલા માટે આ ખીરાને બરાબર ફેટી લો. ત્યાર બાદ આ ખીરાને બે ભાગમાં વહેંચી લો.
2) હવે એક કડાઈમાં તેલ ગરમ કરી, તેમાં તૈયાર કરેલા ચણાના લોટમાંથી નાના નાના ભજીયા ઉતારો. લાઈટ બ્રાઉન રંગના થાય ત્યાં સુધી તળો.
3) ત્યાર બાદ તેને તેલમાંથી કાઢીને સાઈડ પર મૂકી દો.
4) હવે દહીંને એક વાસણમાં લઈને બરાબર વલોવી લો. ચણાના લોટના ખીરાનો જે એક ભાગ વધ્યો છે તેને આ દહીંમાં બરાબર મિક્ષ કરો. તેમા થોડુ પાણી ભેળવી ને ફરીથી બરાબર મિક્સ કરો.
5) હવે બીજા એક વાસણમાં એક ટેબલ સ્પૂન તેલ ગરમ કરી તેમાં મેથી અને જીરૂં ઉમેરો. બંન્ને લાલ થાય એટલે તેમાં લીલા મરચાં, હળદર અને લાલ મરચું પાવડર નાખીને સાંતળો. લગભગ અડધી મિનિટ બાદ તેમાં દહીંનું તૈયાર કરેલું મિશ્રણ ઉમેરો. થોડી થોડી વારે કઢીને બરાબર હલાવતા રહો.
6) ઉભરો આવી જાય ઍટલે ગેસ ધીમો કરો, તેમાં તૈયાર કરેલી પકોડી નાખીને ધીમે-ધીમે ચમચાથી હલાવો. કઢીમાં ફરીથી ઉભરો આવે એટલે તેમાં મીઠું ઉમેરીને બરાબર મિક્ષ કરો.
7) આ રીતે જ કઢીને દસથી પંદર મિનિટ ઉકળવા દો. થોડી થોડી વારે હલાવતા રહો.
8) તૈયાર છે પકોડા કઢી, કોથમીરથી ગાર્નિશ કરીને સર્વ કરો પકોડા કઢી.

સૌજન્ય : રસોઈની રાણી

Like

પાલક-મગદાળના પરાઠા

પાલક-મગદાળના પરાઠા

સામગ્રી :

મગની બાફેલી દાળ : ૧ કપ
ઝીણી સમારેલી પાલક : ૧/૨ કપ
ઘઉંનો લોટ : ૨ કપ
મરચાની પેસ્ટ, હળદર, મીઠું, લાલ મરચા પાઉડર : સ્વાદ પ્રમાણે
મોણમાં નાખવા તેલ

રીત :

ઘઉંના લોટમાં મોણ માટે તેલ, મગની બાફેલી દાળનો લચકો, સમારેલી પાલક, મરચાની પેસ્ટ અને બીજો મસાલો ઉમેરીને મિક્સ કરો. હવે આ મિશ્રણમાં પાણી નાખી ની થોડો ઢીલો લોટ બાંધો. આ લોટ ને થોડા સમય માટે ઢાંકીને મૂકી દો.
થોડા સમય બાદ તેના લુઆ વાળીને થોડા જાડા પરાઠા વણો. આ પરાઠા ની લોઢિમા તેલ થી ધીમા તાપે શેકો. તૈયાર થયેલ આ પરાઠાને લીલી ચટણી કે દહીં સાથે પીરસો. મગની દાળ અને પાલક બન્ને પોષણમૂલ્યની દ્રષ્ટિએ ઉત્તમ છે.

Like

બાજરીના વડા

ટાઢી સાતમે ખવાય તેવાં 'બાજરીનાં વડા' બનાવવાની રીત

સામગ્રી- 

500 ગ્રામ બાજરીનો લોટ
200 ગ્રામ ખાટું દહીં
આદું-મરચાંની પેસ્ટ
મીંઠુ સ્વાદાનુસાર
મેથીની ભાજી
તલ
7/8 કળી લસણ
ચપટી હીંગ
ચપટી હળદર 

રીત-  
-સૌપ્રથમ બાજરીના લોટમાં મેથીની ભાજી ઝીણી સમારીને નાખવી.
-ત્યાર બાદ તેમાં લસણ, આદું-મરચાંની પેસ્ટ, હીંગ, હળદર અને મીંઠુ નાખી ખાટા દહીંથી લોટ બાંધવો.
-ત્યાર બાદ તેલ ગરમ થાય એટલે હાથથી થેપીને વડા તૈયાર કરો
-હવે એક કઢાઈમાં તેલ ગરમ કરો
-ધીમી આંચે આ વડા ફ્રાય કરો
-લાઈટ ગોલ્ડન બ્રાઉન રંગના થાય ત્યાં સુધી તળવા.

ચટપટી 'ભેળ'

4 વ્યક્તિઓ માટે ચટપટી ભેળ બનાવવાની રીત



ભેળ બનાવવા માટેની સામગ્રી:
500 ગ્રામ મમરા
(શેકી ને વઘારેલા)
250 ગ્રામ કપ ભેળ ની સેવ
20-25 ભેળની પૂરી
1 ઝીણી સમારેલી ડુંગળી
થોડી ઝીણી સમારેલી કોથમીર
1 ઝીણું સમારેલું બીટ
1ઝીણું સમારેલું ટમેટું
થોડા બદામનાં દાણાં

સર્વ કરવા માટે:

ખજુર આંબલીની ચટણી
કોથમીરની ચટણી
લસણની ચટણી

ગાર્નીશિંગ માટે:
નાયલોન સેવ
1 ઝીણી સમારેલી ડુંગળી
1 ઝીણી સમારેલી કોથમીર
1 ઝીણું સમારેલું બીટ
1 ઝીણું સમારેલું ટામેટું

ભેળ બનાવવા માટેની રીત:

-એક મોટા વાટકામાં મમરા,સેવ,ડુંગળી,કોથમીર,બીટ,ટામેટા,કેપ્સીકમ અને પલાળેલા શીંગદાણા ભેગા કરી હલાવી લો.
-ત્યારબાદ તેમાં સ્વાદ પ્રમાણે ખજુર-આંબલીની ચટણી,કોથમીરની ચટણી અને લસણની ચટણી ઉમેરી બરોબર હલાવી લો.
-એક બાઉલમાં દબાવી ભરી લો ત્યારબાદ તેને અનમોલ્ડ કરી તેની પર નાયલોન સેવ ભભરાવી દો
-ઝીણી સમારેલી ડુંગળી,કોથમીર અને બીટ વડે ગાર્નીશ કરી તરત જ સર્વ કરો.

કોથમીર ફુદીનાની ચટણી બનાવવા માટેની સામગ્રી:

૧ કપ સમારેલી કોથમીર
૧/૨ કપ સમારેલી ફુદીનો
૨ થી ૩ નંગ લીલા મરચા
૧ નાનો ટુકડો આદુ
સ્વાદ પ્રમાણે મીઠું
૧/૨ તી.સ્પૂન શેકેલા જીરું નો ભૂકો
૧ ટેબ.સ્પૂન દહીં
૧ ટેબ.સ્પૂન શેકેલી શીંગ નો ભૂકો
કોથમીર ફુદીના ની ચટણી બનાવવા માટેની રીત:

-ચટણી માટેની બધી જ સામગ્રી લઇ મિક્સરમાં ક્રશ કરી લેવી.

ખજુર–આંબલીની ચટણી બનાવવા માટેની સામગ્રી:

૨૫૦ ગ્રામ ખજુર
૧૦૦ ગ્રામ આંબલી
૨ નંગ ટામેટા
સ્વાદ પ્રમાણે મીઠું
૨ ટી.સ્પૂન લાલ મરચા નો પાવડર
૧ ટી.સ્પૂન શેકેલા જીરું નો પાવડર
૧૦૦ ગ્રામ ગોળ

ખજુર – આંબલી ની ચટણી બનાવવા માટેની રીત:

-સૌ પ્રથમ ખજુર અને આંબલી ને ધોઈ,બીયા કાઢીલો,
-ટામેટાને પણ ધોઈ,ટુકડા કરી કૂકર માં એક વ્હીસલ વગાડી દો.
-ત્યારબાદ તેને ક્રશ કરી ગાળીલો અને પછી તેમાં જરૂર પુરતું પાણી ઉમેરી ગેસ પર ઉકાળવા મુકો.
-હવે તેમાં સ્વાદ પ્રમાણે મીઠું,મરચું,જીરું પાવડર અને ગોળ ઉમેરી દો.ગોળ ઓગળે ત્યાં સુધી ઉકાળવા દો.
-ઠંડી પડે પછી ઉપયોગમાં લેવી.

લસણની લાલ ચટણી બનાવવા માટેની સામગ્રી:

૧૦ કળી લસણ
સ્વાદ પ્રમાણે મીઠું
૩ ટેબ.સ્પૂન લાલ મરચું પાવડર
૨ ટેબ.સ્પૂન તલ
લસણ ની લાલ ચટણી બનાવવા માટેની રીત:

ઉપર ની બધી જ સામગ્રી ભેગી કરી ક્રશ કરી લો.પાણી બને તેટલું ઓછું નાખો.ચટણી વાપરતી વખતે જરૂર પુરતુંપાણી નાખવું.